Նախկին ֆուտբոլիստ, իսկ այժմ «Զենիթի» գործադիր տնօրենի խորհրդական Անդրեյ Արշավինը խոսել է «Դինամոյի» և Ռուսաստանի երիտասարդական հավաքականի հայազգի կիսապաշտպան Արսեն Զախարյանի մասին.
«Զախարյանը մեծ տաղանդ է: Ես դեռ «Դինամո-2»-ում էի նկատել, որ նա երկու ոտքով գրեթե նույն ձև է խաղում: Արագաշարժ է, ու արդեն իսկական տղամարդու պես է»,- ասել է Արշավինն ու պատասխանել այն հարցին՝ ո՞վ է ավելի ուժեղ 17-ամյա Զախարյանը, թե՞ ինքն այդ տարիքում.
«19 տարեկանում ես ընդամենը 20-30 րոպե էի խաղում ՌՊԼ-ում, իսկ Զախարյանն արդեն հիմնական կազմի խաղացող է: 17-ամյա Զախարյանն ավելի լավն է, քան ես այդ տարիքում, բայց պետք է նայենք, թե ինչ կլինի հետագայում: Հետագայում ես ավելացրեցի, իսկ Զախարյանը կարող է չավելացնել»,- ասել է Արշավինը:
Հիշեցնենք՝ Զախարյանը դարձել է Եվրոպայի երիտասարդական առաջնության եզրափակիչ փուլերում գոլ հեղինակած ամենաերիտասարդ խաղացողը:
Այս մասին հաղորդում է armsport.am-ը:
