Ստեփանակերտում մեկնարկել է շախմատի մրցույթի հանրապետական փուլը

Այսօր՝ հոկտեմբերի 14-ին, ԱՀ ԿԳՄՍ նախարարության նախաձեռնությամբ Շախմատի հանրապետական մարզադպրոցում տրվել է շախմատի մրցույթի հանրապետական փուլի մեկնարկը:

«Արցախպրես»-ի թղթակցի հաղորդմամբ՝ շախմատի հանրապետական փուլին մասնակցում է 7 թիմ:

Բնութագրությունը հասանալի չէ

Բնութագրությունը հասանալի չէ«Մրցույթին մասնակցում են Ասկերանի, Մարտունու, Մարտակերտի, Շուշիի և Ստեփանակերտի №1, №2 և №10 հիմնական դպրոցների թիմերը: Մրցաշարը անց է կացվում շվեյցարական մրցակարգով՝ արագ շախմատի կանոններով:

Առաջնությունը թիմային է՝ բաղկացած 4 անդամներից, որոնցից առնվազն մեկը պետք է իգական սեռի ներկայացուցիչ լինի»,- մեզ հետ զրույցում ասաց ԱՀ ԿԳՄՍ նախարարության Նախնական մասնագիտական, արհեստագործական և նախադպրոցական կրթության տեսչավորման բաժնի վարիչ, շախմատի գծով գլխավոր մասնագետ Բեհբուդ Մելքումյանը:

Բնութագրությունը հասանալի չէ

Մեր զրուցակցի տեղեկացմամբ՝ մրցույթի ամփոփումը տեղի կունենա վաղը՝ հոտեմբերի 15-ին, իսկ հաղթող թիմը կպարգևատրվի գավաթով, դիպլոմներով, մեդալներով և դրամական պարգևներով:

Բնութագրությունը հասանալի չէ

Բնութագրությունը հասանալի չէ

Բնութագրությունը հասանալի չէ

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով