Ճապոնիայի Ֆուկուսիմա վարչատարածքի ֆուտբոլի ուսումնական կենտրոնում այսօր մեկնարկեց Տոկիոյի օլիմպիական խաղերի ջահի փոխանցավազքը, որը հեռարձակվել է «Տոկիո -2020» կազմկոմիտեի պաշտոնական կայքում:
armsport.am-ի փոխանցմամբ արարողությանը մասնակցել են սամուրայի տարազներով դերասաններ, թմբուկահարներ և պարողներ: Ցուցադրվել են խաղերի պատվին ստեղծագործած ուսանողների նկարները, ապա դպրոցականների երգչախումբը կատարել է Hana wa saku երգը:
Այնուհետև բեմահարթակում հայտնվել է Հունաստանից բերված օլիմպիական կրակը:
Փոխանցավազքի առաջին վազորդը 34-ամյա ֆուտբոլիստ Ադզուսա Իվաշիմիձուն էր: նա Ճապոնիայի հավաքականում հանդես է եկել 2006-2016 թթ.:
Միջոցառումն անցկացվում է համավարակի կանխման բոլոր կանոնների համապատասխան: Յուրաքանչյուր ջահակրի, սահմանված հեռավորության համաձայն, ուղեկցում են կազմկոմիտեի և ոստիկանության աշխատակիցները:
