Պեսկովը պատասխանել է լրագրողներին այն հարցին, թե նախատեսվու՞մ է
Փաշինյանի և Պուտինի հանդիպումը
Հայաստանի վարչապետ Նիկոլ Փաշինյանի այն որոշումը, որ հայտարարել էր հրաժարական տալու մտադրության մասին, չի պահանջում անհապաղ զրույց Ռուսաստանի նախագահ Վլադիմիր Պուտինի հետ: Շփումները պարբերաբար տեղի են ունենում: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը․
«Նախ նա դեռ կշարունակի գործել, այնուհետև հրապարակված այս որոշումը չի պահանջում անհապաղ զրույց … Նրանք հաղորդակցվել են բոլորովին վերջերս, ինչի մասին մենք տեղեկացրել էինք, այնպես որ շփումները մշտական են», — պատասխանել է Պեսկովը լրագրողներին այն հարցին, թե նախատեսվու՞մ է Փաշինյանի հետ հանդիպում կամ հեռախոսազրույց:
Նշենք, որ ՀՀ վարչապետ Նիկոլ Փաշինյանը կիրակի օրը երկրի Արմավիրի մարզի բնակիչների հետ հանդիպմանը ասաց, որ ապրիլին պաշտոնապես հրաժարական կտա արտահերթ խորհրդարանական ընտրությունների համար: