Վենեսուելայի նախագահ Նիկոլաս Մադուրոն հնարավոր է համարել, որ կորոնավիրուսի դեմ պատվաստանյութերի մատակարարումների համար երկիրը կարող է վճարել նավթով: Համապատասխան հայտարարությունը նա արել է Venezolana de Television հեռուստաալիքի եթերում, փոխանցում է ՏԱՍՍ-ը։
«Վենեսուելան նավթ գնող հաճախորդներ ունի։ Երկիրն իր արտադրանքի մի մասը կհատկացնի, որպեսզի երաշխավորի իրեն անհրաժեշտ պատվաստանյութերի մատակարարումը։ Նավթ՝ պատվաստանյութի դիմաց»,- ասել է նա։
Պաշտոնական տվյալների համաձայն՝ Վենեսուելայում կորոնավիրուսով վարակվելու հաստատված դեպքերի թիվը գերազանցել է 156 հազարը, մահացել է 1555 մարդ:
