Պետական բյուջեի այս տարվա առաջին եռամսյակի եկամուտները գերակատարվել են ավելի 22,3 մլրդ դրամով: Նախորդ տարվա առաջին եռամսյակի համեմատությամբ առևտրի շրջանառությունը աճել է ավելի քան 8 տոկոսով: Այս մասին Կառավարության այսօրվա նիստում նշեց ՀՀ վարչապետ Նիկոլ Փաշինյանը՝ ամփոփելով տվյալները:
«Կարծում եմ, որ սրանք բավականին լավ ցուցանիշներ են ճգնաժամային, ետպատերազմական տարվա համար։
Ուզում եմ շնորհակալություն հայտնել ՀՀ բոլոր հարկ վճարողներին, ովքեր այս ցուցանիշի գեներացման կարևորագույն մասնակիցներն են, իհարկե, շատ կարևոր է ընդգծել նաև ՊԵԿ-ի աշխատանքը։ Հույս ունենք, որ առաջիկայում բոլոր կանխատեսումները կունենան միայն դրական միտում», – նշեց Փաշինյանը։